Howzit!

Dis, da Hawai`i Pidgin New Testament (Da Jesus Book) wit 30% a da Ol Testament (Da Befo Jesus Book) dat stay ready fo use. You can find any chapta an verse. Fo any word, you can find all da places wea get dat word. Make um easy fo read an study da Bible.

Main Ting

How Fo Move Aroun

Odda Kine Stuff

Word An Verses

Fo Study Da Bible

Fo Make Yoa Compyuta Work Good, Get Da Mos New Sofware

Copyright kine stuff an how fo talk to us guys

Main Ting

Peopo dat talk da Hawai`i kine local Pidgin can use dis Web place fo find out mo plenny bout da Bible. Get plenny odda peopo dat talk English kine, but dey can kinda read da Pidgin too if dey like.

Can use wateva Web browsa program yoa computa get. Da mos easy one is da latest kine Mozilla Firefox fo PC, Safari fo da Mac.

Us guys put all dis hea, fo make um easy fo read da Christian Bible in da Pidgin language. Fo find all kine stuff, dis mo easy fo you, den jus da print kine book. Get diffren kine ways fo find tings inside da Bible wit dis Prophero compyuta program. Da yellow lis you see da lef side dis page, give you three diffren ways fo find wat you looking fo.

How Fo Move Aroun

1. If you make click on top one book name, you goin get one lis wit da title fo ery section inside dat book. Jalike show wass inside da whole book. Ery section title, if you make click dea, Prophero take you to da section.
2. If you make click on top da chapta number undaneat one book name, Prophero take you dat chapta, verse 1. Den you can scroll um down wit da arrow key to any odda verse inside da chapta.
3. Da go back arrow on top da browsa take you back to wateva you stay look at befo.
4. Get one white tab ova da yellow lis lef side. You make click dea, take you back da top a da book.
5. You can go any book you like from da yellow lis. Get one green tab nea da top lef side a the main part a da page fo tell you wat book you stay in, like Rome. Can help you wen you stay inside da middo a one big book, o wen you jump aroun from one place to anodda place.

Odda Kine Stuff

1. One blue line undaneat da book name, chapta, an verse, wit some a da titles fo sections, show wea get same same kine words in diffren books, jalike wen different guys tell da same story mo den one place. All ova Matthew, Mark, an Luke get da kine. You ony need make click fo go check out da same story in odda place. Fo practice, use da yellow lis fo find Luke 3:21. Den go make click fo see the odda places dat tell da story bout wat happen wen John baptize Jesus. If da book an chapta an verse not translate yet, den no mo da blue line undaneat, sorry, yeah? But bumbye we get um.There are two kinds of footnotes in the e-alkitab. The first are cross references, to the source of an Old Testament quote, or allusion, or to where something similar is said. Again, unless they refer to Old Testament books not yet translated, then the cross references referring to that book are all active links.The cross reference series is marked with superscript lower case letters, a, b, c, d, e,… They restart the alphabet at each chapter. If the user simply hovers the mouse over one of these cross reference markers, the contents of the cross reference will pop up in a box with a pastel yellow background. If the user wants to follow the chain of active links, they simply click on the reference marker which takes them to the actual footnote, highlighted in blue to distinguish it from all the other footnotes. Then click again on the active link of the passage they want. As an exercise, go to the cross reference in the Kupang language in Luke 3:22 and chase the active links.
2. The second kind of footnote is an information footnote. These explain things about Jewish or Roman customs, relevant archeological finds, meanings of some Greek or Hebrew works, meanings of some names, important textual variants, important exegetical variants, etc. These information footnotes are marked with superscript symbols *, †, ‡, §,… They restart the sequence at each chapter. If the user simply hovers the mouse over one of these cross reference markers, the contents of the footnote will pop up in a box with a pastel green background. As an exercise, in the Kupang language look at Luke 3:1-2, and John (Yohanis) 21:19.
3. If da alphabets too small fo yoa eye, some Web browse programs let you make mo big. Go make click on View, Text Size, Increase, o View, Zoom.

Word An Verses

Some church leada guys use one book dey call Bible concordance fo find all da places wea da Bible use some word. But az one big heavy book, English, an cos plenny. Da Prophero compyuta program make um so anybody dat like study da Bible, anybody dat talk Pidgin an get compyuta an Internet can use um wit dea own language.

1. Da top a da yellow part dat let you find stuff, make click on top Word An Verses.
2. Dis open up one lis a da alphabets A B C … Maybe you like study wat da Bible tell bout live inside da dark and live inside the light.
3. Nex to da ‘D’ alphabet, make click on top da plus sign ‘+’, den find dark. You goin see dat da word get 74 times inside da Pidgin Jesus Book plus Da Start an some a da odda Befo Jesus books.
4. Make click on top dark. You goin see da verse fo all da places dat say dark, dat show inside da top part, right side. Move down thru da lis wit da arrow key o da mouse.
5. Make click on top da word dat get da blue line undaneat fo Ephesians 5:8 (Eph 5.8, da way da compyuta write da book name wit 3 alphabets), You goin see dat verse an da ones dat come afta, inside the bottom part a da right side, an ery place wea say dark get color.
6. Now go back da yellow part dat let you find stuff, an make click on top da plus sign '+' nex to ‘L’ an find light. Get 218 times. Go find 1 John 2:8 (1Jn 2.8 compyuta style) an make click on top da word dat get da blue line undaneat. You goin see dose verses inside da bottom part a da right side, an ery place wea say light get color.
7. Easy, yeah? Ony one ting – right now, Prophero can find ony one word ery time. Phrase kine words like “Good An Spesho Spirit” or “God's Boy” no show up yet. But, we working.

Fo Study Da Bible

All da tings we talk bout awready, kinda radical, yeah? Dat mean, anybody dat talk local kine Pidgin, an can use da Internet or one CD dat show all dis, get one turbocharge kine tool fo study da Bible. Neva have dis kine befo time. An mo den dat, you can:

1. Copy stuff fo use fo one sermon, o Bible study, o make notes fo yoaself,
2. Print stuff fo study lata, an pass on stuff from da Bible to odda peopo.

Plenny mo peopo dat talk local kine, get compyuta now, an can read stuff from da World Wide Web. Da younga people, nowdays dey all know how fo use compyuta. Dis make da Prophero kine Bible look real good fo da high school an university kine students, cuz make dea jaw drop. But even one kahu guy Timor Island side, wea dey get same kine ting fo dea language, wen smile real big an tell, “Eh, brah, gotta beef me fo get back dis one!” Anodda kahu look kinda worry an tell, “If oua church peopo can use someting lidis, den us kahu guys gotta take care plenny wen we make ready one sermon.” But he smile wen he say dat, cuz he get his own CD awready.

Fo Make Yoa Compyuta Work Good, Get Da Mos New Sofware

Prophero work good wit da compyuta browsa kine program Firefox. You can make click hea fo get um. Da alphabets fo Prophero look da bestes if you put da Gentium an Andika kine alphabet fonts inside yoa compyuta. Fo get um, make click on top da two names, den put da files inside yoa Fonts directory, usually C:\Windows\Fonts fo PC kine compyuta, an wateva you gotta do fo Mac kine. We wen pick Firefox cuz some translata guys use dis kine technology fo languages dat need spesho kine alphabets fo minority languages, an get one kine Firefox dat can use Graphite, da akamai kine font technology dat SIL make for some funny kine alphabets.

NOTE: Prophero use small kine “scripts” (codes fo compyuta) fo show words spesho kine an tell da compyuta fo do odda kine stuff dat need fo work okay. Dis program no use “ActiveX controls,” so no way can mess up odda files you get inside yoa compyuta.

Copyright kine stuff an how fo talk to us guys

All da translations inside Prophero get copyright, an da copyright owna give permission fo you use um. Get international law dat proteck dis kine copyright. Da name fo da copyright fo ery translation stay on top da firs screen fo ery book inside da translation, an show watermark ova ery page from da Bible. Da name fo da copyright no mean, no can use fo study an teach an copy. Ony stay dea, fo make um clear dat anybody go change wat da page say o mess um up some odda way, goin get problem wit da Law.

Da copyright owna give you da right fo use an copy litto bit, but not mo den one whole chapta from da electronic kine Bible stuff. You gotta make shua dat:

· you no change da words in dis translation from da Bible

· you no use da stuff fo make money

· you put da name a dis Web site on top eryting you write dat copy stuff from da Prophero Bible

· you put da name a da copyright on top eryting you write (dat mean, fo da Hawaii Pidgin Bible, "Copyright © 2000, 2009 Wycliffe Bible Translators").

If need copy mo den one chapta same time, write letta to Global Publications, SIL, 7500 West Camp Wisdom Road, Dallas, TX 75236 USA.

Da churches an all da peopo dat use da translation you see hea, like say “Mahalo plenny!” to all da peopo an helpa organizations dat wen make da translation an da Prophero project cuz dey pray, do wat dey know how fo do, an help pay fo make um happen. Get project fo translate da Bible fo plenny odda languages all ova da Pacific, an peopo from odda languages stay aks fo help fo start new projects fo translate. Get diffren international kine Bible companies dat all stay work togedda fo do dis. The Seed Company an Wycliffe Bible Translators (WBTUS and WBT Australia) wen do importan kine stuff an work togedda fo translate dis Bible, an fo put togedda da Prophero compyuta program.

If you like help us guys wit dis work o get news about um so you can pray, please make email in Pidgin o English fo joe_grimes@sil.org. Same ting if you find someting need fix.