Da Jesus Book cova    Bible Kine Words      Da Jesus Story CD cova

Some a da words fo tings da Bible talk bout, dat stay diffren den da English.

Bible Kine Words   English Kine Bible Words   Words Fo Peopo Dat No Talk Pidgin

Aaron: Moses older brudda. Dey from da Levi ohana. All da priest guys gotta be from Aaron's blood, inside da Levi ohana.

Abel: Adam's kid, da numba two boy. He wen get um right wit God.

Abraham: da Bible call him “God's friend.” God wen tell um fo go way from da place he stay. Abraham trus God, so he wen go. He neva know wea he was going, but he still go. Peopo call him “da fadda fo da Israel peopo.”

Adam: da first man. God wen make him from da dirt.

alabaster: one soft kine rock, light color. Dey cut um an make tings fo put perfume an odda stuffs inside.

altar: wen peopo make sacrifice fo God, dey put um on top one altar. Get altar made from rocks. Odda altars jalike one table.

angel guy, angel messenja guy: get guys inside da sky dat not same like us guys. Dey go any place God tell um, an do wateva he send um fo do. English “angel.”

Annas an Kaiafas: Jesus time, Kaiafas was da head priest. Paul's time, Annas was da head priest. Kaiafas wen marry Annas daughta. An dey wen take turn fo be da head priest.

Antiok: get two place name Antiok. One stay inside Syria. Dass da main one, wea Paul an Barnabas guys wen start. Da odda stay inside Pisidia. Wen Paul an Barnabas wen go teach da first time, dey wen go da Antiok inside Pisidia.

Aquila an Priscilla: dey from Pontus. Dey husban an wife. Dey wen work wit Paul an help him plenny.

Aramaic: Jesus time, dis da language fo mos peopo dat stay live inside Galilee an Judea.

Ares: da war god fo da Greek peopo. Da Rome peopo call him “Mars.”

Artemis: one wahine god dat da Asia peopo pray to. Inside Efesus, she get da name “Artemis.” Odda place inside Asia, dey call her “Cybele” o “Astarte.” Her not da same Artemis dat da Athens peopo pray to.

Asia: da peopo dat wen write da Bible, wen dey talk bout Asia, dey mean Asia Minor, dass da mos west part a Asia dat nowdays dey call “Turkey.”

Athens: one big town inside Greece. Paul wen tell da teacha guys dea bout Jesus.

auwe!: wat you say wen you find out dat tings not going good fo you o fo some odda guy.

awesome: English “glorious, glory.”

awesome kine stuff fo show someting: Jesus wen do plenny awesome stuff dat show who him. He wen make da sick peopo come good, an da peopo dat no can see, so dey can see. English “miracle, sign.”

Babylon: one big town. Long way east from Israel. Long time befo Jesus, dey wen take ova da Israel peopo an make everybody go Babylon. Babylon had plenny money an da peopo dea wen do any kine bad kine stuff.

bad kine stuff da body like do: peopo inside dis world, dey tink dea own way. Dey no tink bout God, but ony like do tings how dey like. Dey listen to dea own body but dey no listen to God. English “flesh, worldly.”

Balaam: Beor's kid. Afta da Israel peopo was inside da boonies 40 years, dey wen go by da Midian peopo. Da Midian king Balak try fo make Balaam put kahuna on top da Israel peopo. He wen like give Balaam big money fo do dat.

Balak: da king fo da Midian peopo. He try make Balaam put kahuna on top da Israel peopo.

baptize: dass wen dey go put somebody inside da water o put water on top um, cuz da guy like fo show everybody he sorry fo all da bad kine stuff he wen do. Peopo dat trus Christ do dat fo show dey Christ's guys too.

Barak: one local leada guy dat wen win one war. Befo da Israel peopo get king, dey ony get local leada guys. English, dey call all da local leada guys from dat time “judges.”

barley: da cheap kine grain. Dey go cut um March an April time.

Barnabas: him an Paul wen go all ova fo tell peopo bout Jesus. Da name mean “da guy dat give us good kine words.”

Beelzebul: one nodda name fo da Devil. Come from da Fonicia peopo, an mean “Da Boss fo da Flies.”

Betany: one small town. From Jerusalem, you go two mile east. Mary, Martha, an Lazarus guys stay live dea.

Betlehem: one small town. From Jerusalem, you go five mile sout. Dass wea Jesus wen born.

Bible: get two part. One part is “Da Jesus Book.”  Da odda part is “Da Befo Jesus Book.” Wen Jesus dem say “Bible,” dey mean “Da Befo Jesus Book,” English “Old Testament,” cuz dat time, no mo “Da Jesus Book” dat dey call da “New Testament.” Jesus friends neva write um yet. Wen dey say “da Rules from God” an “wat da guys dat wen talk fo God befo time wen say,” dey mean same ting, “Da Befo Jesus Book.” English “scripture, Bible.”

boat: da Bible talk bout three diffren kine boat. Inside da Galilee lake, had sail boats fo fish. Dey big nuff, so Jesus an his twelve guys can go inside. On top da ocean, had sail boats dat can take two-three hundred peopo inside. Da odda kine, dass da big boat Noah wen build fo take care all da animals an birds, dat time God wen wipe out all da peopo cuz dey ony like do bad kine stuff. Dat boat dey call um “Noah's ark,” English language.

bone marrow: da soft part inside da bone.

boonies: da kine place, nobody like live dea. Far from wea peopo live.

Boss, Boss Up Dea, Good Boss Up Dea: da guy dat tell you wat you gotta do. Inside da Bible, God da Boss. Jesus, same ting. English “Lord, Master.”

Boss's Day: mean two tings. Fo Christian peopo, can mean Sunday. Same time, can use um fo “da day wen God da King goin come fo judge everybody,” “Da Big Day,” “Da Day God da King come an take ova,” same ting.

bread: Bible time, dass wat peopo eat all da time. Jalike how Hawai`i peopo stay eat rice all da time. Inside da house, da wahines make flat an round breads. Dass da main kine bread da peopo eat. Can take one piece an use um fo grab meat outa da stew.

bread dat no mo yeast inside: da time God wen take da Jewish peopo outa Egypt, dey gotta go quick, so dey neva have time fo make regula bread, ony da kine dat no mo yeast. From dat time, every year March o April (da seven days afta da Passova), dey eat dis kine bread, so dey no foget wat God wen do fo dem. English “unleavened bread.”

broke da Rules from God: God tell peopo how dey suppose to ack, but all da time get somebody go do wat God say dey betta not do. English “lawlessness, unlawful.”

bulai: tell lie. English “lie, cheat.”

bushel: litto bit mo den 9 gallon.

Cain: Adam's numba one boy. He wen get huhu wit his brudda Abel, an kill um.

Canaan: dass da name fo da land God wen promise fo give Abraham's kids. Wen Joshua was dea leada, da Israel guys wen fight fo take ova da land.

Capernaum: one small town. Stay by da nort part a Galilee lake.

Cefas: da Aramaic language name fo Peter. Mean “Da Rock.”

Cesar: all da Rome kings, dey call um “Cesar.” Jesus time, had Cesar Augustus an Cesar Tiberius. Paul time, had Cesar Claudius an Cesar Nero.

Cesarea: one town inside Judea by da ocean side. Get harbor ova dea.

Christ: one Greek language word dat mean “da one dey wen put oil on top him,” cuz dass how da Jewish peopo wen show who goin be da nex king, o da nex head pries guy. Da Hebrew language word “Messiah” mean same ting -- Da Spesho Guy God Wen Send. Da Jewish peopo know, dat one spesho guy lidat suppose to show up, but dey neva know wat time. Dass why, wen Jesus wen show up, had peopo dat figga he da Spesho Guy God Goin Send, an had odda peopo dat wen come huhu bout Jesus cuz dey figga, da Christ guy gotta ack like one big king. English “Anointed One, Chosen One.”

church: da peopo inside one town come togedda fo pray an read da Bible cuz dey Christ's peopo. Da Jewish peopo, dey come togedda every week Saturday too, jalike one church. Da Christian peopo dat come togedda fo pray, an da place wea dey do dat, get English name “church,” but if dey Jewish, get English name “synagogue.”

come sorry, an like pau all da bad kine stuff you doing, an no do um no moa: Jesus talk bout how gotta change da heart, an same time change how you ack an do ony good kine stuff. English “repent.”

communion cup: da cup da Christian peopo use wen dey come togedda fo tink bout how Jesus wen mahke fo dem.

Corint: one town inside Akaia, stay in da place, nowdays dey call um “Greece.” Had plenny idol kine gods dat place.

corner block: da builda guys start from one spesho block fo make da whole building line up strait. English “cornerstone.”

council: da army from Rome wen take ova da Jewish peopo befo Jesus born. But dey let da Jewish peopo get dea National Council fo take care da local kine stuff, an fo judge religious kine stuff. Had seventy leada guys inside da National Council, an da Head Pries guy was President. English “Sanhedrin.”

cross: one post fo kill crook guys. Da army from Rome wen put one big post inside da groun. Den dey nail da guy's hands to da two ends a one nodda heavy piece wood. Dey tie dat piece to da top part a da main post, so da guy jus hanging dea till he mahke. Dass how dey wen kill Jesus.

cummin: one small kine spice dey put inside da stew an odda kine food.

cut skin: wen God wen tell Abraham fo come be his guy, he tell um, gotta cut skin fo all da guys inside his ohana. Da Jewish peopo, an da odda peopos dat come from Abraham, dey cut skin fo show dey God's peopo. English “circumcise.”

Daniel: one talka guy fo God. Da Babylon army guys wen take him to Babylon, afta dey wen take ova da Judah land. Him so smart, dey wen make him one main leada guy dat work fo da Babylon King. God wen show Daniel plenny awesome kine stuff.

David: one importan king fo da Israel peopo, tousand year befo Christ. Him was real tight wit God. God wen promise him dat da spesho Christ guy was goin come from his ohana. King Solomon's fadda.

Day fo da Bread Dat No Mo Yeast: Da first day fo one spesho religious time wen da Jewish peopo eat ony da kine bread dat no mo yeast inside, fo seven days. Da first day, dass Passova day too, same ting.

Day Fo Make Ready Fo Da Rest Day: fo da Jewish peopo, Friday da day, wen gotta make all da food fo eat Saturday, cuz Saturday da Rest Day an no can work. English “preparation day.”

deal: God wen tell Abraham wat he like do fo him, an how Abraham suppose to ack, an Abraham say he goin do um. Afta, God wen make da same deal wit Abraham's boy Isaac an his grandkid Jacob, an lata, wit all da peopo dat wen come from Jacob, fo dem fo be his peopo. English “covenant, testament, agreement.”

denarius: dose days, peopo pay da workas one silva denarius coin fo one day work.

Devil: da boss fo da bad kine spirits. He da main spirit dat wen go agains God, an he like make all da peopo go agains God too. Get odda names too -- Satan, Beelzebul.

dill: one spice. Da seeds taste good, an good fo make dill pickle.

do bad kine stuff: do someting you not suppose to do. English “sin.”

do da right ting everytime, do wat God say you suppose to do: English “righteous.”

Efesus: one town by da Mediterranean Ocean, stay in da place, nowdays dey call um “Turkey.” Paul wen go dea two times.

Elijah: one talka guy fo God dat wen live long time befo Jesus. Dat time, da Israel king an everybody, dey no mo respeck fo God. Dey pray to plenny odda kine god. So Elijah tell dem cuz dey make lidat, no goin get rain fo three years, an dass wat wen happen. One nodda talka guy fo God, Malachi, wen tell dat Elijah suppose to come back befo da Spesho Guy God Goin Send show up. Jesus wen say, John da Baptiza Guy wen get da same kine spirit inside him, jalike Elijah.

Elisha: one talka guy fo God. He wen learn from Elijah an take ova afta Elijah go up inside da sky.

Enok: one guy long time befo Christ. He was real tight with God all da time. Da guy neva mahke. One day, God wen jus take Enok up inside da sky fo be wit him.

Epicurus: one Greek teacha guy dat live bout 300 year befo Jesus. Epicurus wen teach dat da main ting, is do wateva make you feel good an stay cool. But he say, if you tink plenny bout tings, dat make you feel mo betta den if you do tings dat ony make yoa body feel good. Paul wen argue wit da Athens guys dat tink like Epicurus, cuz Paul say dat if you know God, dass mo betta den jus feel good.

Esau: Jacob's twin brudda. Esau wen go sell Jacob his right fo take ova from dea fadda.  Esau sell dat right to Jacob fo one bowl stew.

eunuch: one guy, somebody wen cut him so he no can get kids, o he born so he no can get kids.

Eve: Adam's wife. Da name mean “da mudda everybody come from her.”

everyting inside you: Jesus say, gotta go all out fo God. Matthew 22:37 say, “Jesus tell um, `Get love an aloha fo da Boss yoa God, wit all yoa heart, an wit everyting inside you, an wit how you tink.'” English “soul.”

Fonicia: da nex country, nort side from Israel. Nowdays dey call um “Lebanon.”

frankincense: sticky kine gum dat come outa some trees dat grow Arabia side. Smell good fo burn fo incense, an cost plenny, so dey use um fo make present too.

Galilee Lake: Gennesaret Lake, Tiberias Lake, same ting. Dass one lake up nort a Judea. Da Jordan River go into da nort end an come out da sout end. Peter an Andrew an James an John had fishing business inside da lake. Jesus wen teach all aroun da lake shore.

gall: yellow-green stuff dat come outa da gall bladda nex to da liver inside one animal. Taste bitta, an dey use um fo pain killa. Sometimes name “bile.”

get um right wit God: wen you no do da right ting, God no like dat, so you no can come tight wit God.  But Jesus can make you come diffren inside, an can change yoa heart. He can help you do da right ting everytime, so you pau wit da bad kine stuff from befo time. An den he make you come tight wit God. English “righteous, justify.”

Gideon: one local leada guy, was mo like one army kine leada fo da Israel peopo. Da Midian army guys was making da Israel peopo suffa. Gideon was scared but God wen tell him fo fight dem. He ony had three hundred guys, an da Midian guys, had so plenny, dey no can even count um. But Gideon an his guys wen fight da Midian guys an win cuz God wen help um. English, dey call all da local leada guys from dat time “judges.”

give chance: somebody do someting bad to you, an you you like do someting bad to dem. But den you tink mo betta no do um, an you let da guy know. So afta, da guy no need worry dat you goin do someting bad to um. English “mercy.”

go agains: do tings fo make da odda guy so he no can do wat he like do. Da Devil like do dat to God, but no can, cuz God da winna. English “oppose, enemy, hate.”

God like do plenny good kine stuff fo us guys: English “grace, favor.”

God make us his kids: befo us guys wen get um right wit God, all us guys stay ack jalike da Devil's kids. But God wen go make us his spesho kine, jalike his hanai kids. English “adopt.” (Try look da part “stuff God goin give us.”)

God no take wat dey do, no goin put up wit wat dey do: God get plenny love an aloha fo everybody. But some peopo, dey no like pau do da bad kine stuff, dey no like listen, dey jus go do any kine how dey like. Bumbye God, he no goin fool aroun. He goin punish dem. English “wrath, judgment.”

God's Boy: Jesus know dat God his Fadda. Dass why he get da right fo do wateva his Fadda tell um. English “Son of God.”

God's peopo: peopo dat stay all out fo God. English “saints, holy people.”

God's Rules: da first five books inside da Bible, da Jewish peopo call um Da Rules From God. Da Ten Commandments come from dat part. English “Law of Moses, Law.”

Golgota: da place wea dey wen kill Jesus on top da cross. Da name mean “da skull bone.”

Gomorrah: one big town by da Dead Sea near Sodom. Da peopo dea was so bad, God wen use fire from da sky fo wipe um out.

Good Kine Stuff From God: dass wat Christian kine peopo tell da odda peopo. All da good kine stuff bout Jesus dat get inside da Bible, peopo need fo know dat. English “gospel, good news.”

grasshoppa: da kine grasshoppa in da Bible, sometimes get plenny plenny jalike one big cloud. Sometimes da buggas go eat everyting, so no mo food fo da peopo. English “locust, grasshopper.”

Guy Dass Fo Real: wen Jesus talk bout “Da Guy Dass Fo Real”, he talking bout himself. Da idea come from Daniel 7:13 -- one guy, but mo den one regula guy. Dis guy get power, he importan. English “Son of Man.”

guys fo collect tax money: dose guys, da Rome guys wen sell um da business fo collect da tax money. Dey sell um to whoeva give da Rome guys da mos money. Da Israel guys dat go buy da kine business, dey gotta get nuff money from da peopo fo pay da Rome guys, an den dey can go take da rest fo demself, wateva dey can get from da peopo. If da tax guys get problem wit anybody, da Rome army goin back um up. Dey can make big money from da kine business. Da Israel peopo, dey no like dat kine guy, cuz jalike dey wen sell out to da Rome guys. English “tax collector.”

guys Jesus wen send all ova da place: Jesus like everybody know wat kine guy him.  So he wen send his guys fo go tell everybody da Good Stuff Bout Him. He wen tell dem fo go all ova da place.  Even far away place dat get diffren peopos dat no trus God.  English “apostle.”

guys Jesus wen teach: wen Jesus was hea on top da earth, had plenny peopo he wen teach. Twelve a dem, dey stay wit him all da time fo three years an learn plenny from him. English “disciples.”

Hagar: da slave girl helpa fo Sarah, from Egypt. Dat time, Sarah no can have baby, so she make Hagar go sleep wit Abraham, so Sarah can take da baby afta. Hagar baby's name was Ishmael.

hanai: fo somebody dat not yoa kid, make um so dey jalike yoa kid. English “adopt.”

hapai: get baby, but no born yet. English “pregnant.”

head pries: da Jewish peopo had plenny pries guys, but had ony one Head Pries. Every year, had one spesho sacrifice dat ony da Head Pries guy can make, fo take care all da bad kine stuff dat he wen do an dat da odda Jewish peopo wen do dat year. Da Head Pries wen stay in charge a wat da odda pries guys do, an he da President fo the Jewish National Council.

heart rest inside: get times wen you feel bad, cuz inside everytime you stay fight wit God. An den you go make um right wit God. Inside, you feel like everyting okay. Same ting wit yoa bruddas an sistas. You gotta stay cool head wit each odda an make good wit each odda. Dass how our heart can stay right inside wit God. English “peace.”

hele: go da nex place you going.

Hell: befo time, da peopo wen talk bout one place unda da ground wea da mahke peopo stay. Da Greek peopo call um Hades. Da Jewish peopo call um Sheol. Jesus talk bout one place wea God punish da peopo dat do bad kine stuff. English “Hell, Hades.”

hemo: take away someting dat stay stuck to some odda ting.

hemo da shame: wen anybody do bad kine stuff, dey get shame from dat. Ony God can hemo dea shame. Matthew 26:28, Jesus say dis: “Dey goin kill me, an my blood goin come out from my body jalike wen dey kill one sacrifice. Dat goin help plenny peopo, so God can let um go an hemo dea shame fo all da bad kine stuff dey do.” English “forgive.”

Hermes: da messenja god fo da Greek peopo. Da Rome peopo call um “Mercury.”

Herod: had four king guys name Herod. Da first one, peopo call him, “Herod da Great.” He da one dat wen try kill Jesus wen Jesus was small kid. Herod da Great wen build da fancy kine temple Jerusalem town. Da nex one, dey call him “Herod Antipas.”  Herod da Great da fadda. Herod Antipas da one wen kill John Da Baptiza Guy. Da nex one, dey call him “Herod Agrippa numba one.” Herod Antipas brudda da uncle. He da one dat wen kill James, John's brudda, an wen put Peter in jail. Da last one, dey call him “Herod Agrippa numba two.” Herod Agrippa numba one da fadda. He da one dat wen send Paul to Rome.

Herodias: dis wahine was King Philip's wife befo time. King Philip, he was King Herod Antipas brudda. But den, Herodias wen leave Philip fo marry her brudda-in-law, King Herod Antipas numba one, da king fo Galilee. Was her dat wen make Herod kill John da Baptiza Guy.

holoholo: go hea an dea, no matta.

huhu: English “angry.”

idol kine god: one statue dat peopo tink one god. Get plenny peopo dat pray to da idol kine gods.

incense: stuff dat dey burn um fo make good sweet kine smell fo God. Wen us guys pray, wat we say go up to God, jalike da smoke from da incense go up.

inside: da Bible no just talk bout da outside kine stuff, da house an da money an da food. Talk plenny bout how us guys stay inside, da place inside wea nobody can see. English “heart, soul, spirit.”

Isaac: Abraham's boy. Abraham an Sarah was real old wen Isaac born.

Isaiah: one talka guy fo God from befo Jesus time. He talk plenny bout da Christ guy dat goin show up bumbye.

Israel: Abraham's grankid, dey wen name um Jacob wen he born. Afta, Jacob wen know God, an God wen give um da new name Israel. Wen da Jewish peopo talk bout demself, dey use da name “Israel's kids.” Da land, nowdays get da same name, Israel.

Jeftah: one local leada guy fo da Israel peopo. Jeftah brudda guys wen throw him out, cuz da mudda was diffren mudda an she was da kine wahine dat go fool aroun fo money. But bumbye all da Israel peopo wen aks him fo help dem go fight da Ammon guys. English, dey call all da local leada guys from dat time “judges.”

Jeremiah: one talka guy fo God. Peopo call him “da crying talka guy fo God,” cuz him suppose to tell peopo bout all da bad kine stuff God goin do to dem if dey no change. But nobody care.

Jericho: da first town dat da Israel guys wen take ova, Joshua time.

Jerusalem: David wen take um ova an make um da main town fo da Israel peopo. Da old name was Jebus. Befo dat, da name was Salem, an Melkizedek was da king dea.

Jesse: King David's fadda. Jesus wen come from his blood.

Jewish: da peopo dat come from Abraham, an Isaac, and Jacob (dass Israel), dey da Jewish peopo. Dey get dea name from Jacob's boy Judah. Same ting, da peopo dat come from Jacob's odda kids, dey call um all Jews too. God wen make spesho deal wit da Jewish peopo, an call um his own peopo. Jesus was one Jew.

Jezebel: King Ahab wife. Him da mos pilau king fo da Israel guys, cuz his wife tell him fo show respeck fo da Baal god, not fo da God fo da Israel peopo.

Job: Job was one guy dat was real tight wit God. But da Devil, he like set Job up fo make him do bad kine stuff. So da Devil go tell God dat Job, he ony stick wit God cuz God wen make him rich an give him plenny kids. Da Devil tell God, “Go take away all da tings you wen give him, an fo shua Job, he goin call you bad name in front yoa face.”  So God wen let da Devil take um all away, but Job, he neva talk stink bout God, he ony get aloha fo God. Plenny mo bad kine stuff wen happen to Job, but he neva stay huhu wit God. Afta, God wen do plenny good kine stuff fo Job.

Joel: one talka guy fo God. He tell bout da day wen God da King goin come fo judge.

Jonah: one talka guy fo God. God wen tell him fo go da big town Ninevah. God like him fo tell dose peopo dat, no mo, God goin put up wit da kine stuff dey do. But Jonah, he like God wipe out da Nineveh peopo. Jonah tink if he tell da Nineveh peopo fo come sorry, maybe dey goin come sorry an den maybe God goin let um go. So Jonah try go da odda way. He go inside one boat, but God wen make one storm, so da odda guys inside da boat wen throw Jonah inside da ocean fo make da storm pau. Den God make one big fish swallow Jonah, alive. Jonah wen come sorry fo wat he wen do. So den God make da big fish bahf up Jonah on top da land. Den Jonah wen go Ninevah. He tell dem, no mo, God goin put up wit dem. Da Ninevah peopo wen listen. An dey wen come sorry bout da stuff dey do. So God neva wipe um out. But den Jonah wen come all huhu wit God cuz a dat.

Jordan: one river dat go from mauka da Galilee Lake to da Big Salt Lake, da one dey call da “Dead Sea.”

Joshua: he wen take charge a da Israel peopo afta Moses mahke. Dat time, da Israel peopo wen take ova da land God wen promise dem.

Judah: Israel's boy. Da name mean “tell how awesome God stay.” David was from da Judah ohana. “Judah” can mean “da land fo da Judah ohana” too.

Judea: da sout part a da Israel land, from Jerusalem sout. Da nort side, had Samaria an Galilee. Judea not da same as Judah, but mos part da same. Da Rome guys wen cut up da land litto bit diffren, dass why.

judge: make jalike one judge dat get da job fo figga wass okay an wass not okay. Wen da world goin pau, Christ goin come back, an he goin be da Judge fo everybody, how dey wen live.

judges: fo four hundred years, afta Moses, Joshua, an befo King Saul time, da Israel peopo neva have regula kine govermen. Ony wen had trouble an da peopo need help, God send leada guys fo get da peopo outa trouble. English, dey call da leada guys “judges,” but dey neva ack like da peopo we call judges nowdays, dey mo like local leada guys.

king: dat time, had plenny king guys. God, he da main king, an da peopo dat listen to Jesus, dey get God fo dea king. English “kingdom, king.”

kiss: da kine kiss in Da Jesus Book, friend kine kiss, not husban-wife kine kiss. Dey no kiss da mout, dey kiss on top da face.

Korah: one a da Israel guys dat wen make trouble fo Moses.

lamp: small clay dish fo make light. Get olive oil inside, an one small piece rag dat come out da side. Dey burn da olive oil dat come thru da rag.

lantern: box wit olive oil lamp inside, so can see da light but da wind no can pio da fire.

Latin: da language fo da Rome peopo.

lepa: one guy dat get sores on top da skin. Had plenny rules bout dat kine sick, but was mo den da Kalaupapa kine dat stay Molokai side. Had odda kine lepa too.

let go: wen somebody owe you money an no pay you back, o dey do someting bad to you, den you like do someting bad to dem. But den you tink, “I no need do someting bad to da guy. I no need tink stink kine stuff bout da guy.” So den, da guy no need worry dat you goin do someting to him. Jesus, he teach dat God let you go awready an no blame you, an he hemo da shame fo all da bad kine stuff you wen do. So you betta let da odda guy go, cuz God wen let you go. English “forgive.”

Levi: Jacob's boy. Moses an Aaron an all da pries guys come from da Levi ohana. Da Levi ohana guys wen back up Moses wen da odda Israel peopo wen make one idol kine god, so God wen make dem his spesho helpas.

local leada guys: Befo da Israel peopo get king, God wen give um local leada guys from diffren towns, weneva dey need help. Dey neva have regula kine courts an rules dat time, an some a dem mo like army kine leadas, so da English word “judges” no tell wat dey do.

locust: jalike da grasshoppa, dat eat up all da plants dat grow.

Lot: Abraham's nephew. He wen live Sodom befo God wen use fire from da sky fo wipe out da place.

love an aloha: dass how God feel cuz he like good tings happen fo us guys, Us guys can get love an aloha fo God, an fo odda peopo too.

Magdala: one small town da west shore Galilee Lake. Mary from Magdala wen trus Jesus.

mahke: English “die, dead.”

make good to somebody: dass like, if you was tight wit somebody, an den someting happen, so den dey no like you, an you like stay friends wit dem, den you gotta do someting fo come back togedda. English “reconcile.”

manna: one spesho kine food dat God wen send from da sky, da forty years da Jewish peopo wen stay inside da boonies, afta dey go outa Egypt. Da kine look like white seed an taste like honey. Dey can bake o boil um how dey like. Dey gotta pick um up from da groun every day so da manna no goin come rotten if lef ova. Wen da peopo wen go inside dea own land, pau da manna. Da name mean “Wat dis?” Hebrew language.

Melkizedek: he was one priest guy fo God. Same time, he was one king. Abraham wen fight some odda kings, cuz dey wen captcha Abraham nephew Lot. Afta Abraham wen fight da odda kings an win, Melchizedek wen come an give Abraham his love an aloha. Den Abraham wen give Melkizedek ten percent from all da stuffs he wen take back from da odda kings, fo show respeck fo God.

messenja guy, angel guy: get guys inside da sky dat not same like us guys. Dey go any place God tell um, an do wateva he send um fo do. English “angel.”

Messiah: one Hebrew language word dat mean “da one dey wen put oil on top him,” cuz dass how dey wen show who goin be da nex king, o da nex head pries guy. Da Greek kine word “Christ” mean same ting -- Da Spesho Guy God Wen Send. Da Jewish peopo wen know he suppose to show up, but dey neva know wat time. Dass why, wen Jesus wen show up, had peopo dat wen figga he da Spesho Guy God Goin Send, an had odda peopo dat wen come huhu bout Jesus cuz dey figga, da Messiah guy gotta ack like one spesho king. English “Anointed One, Chosen One.”

Micah: one talka guy fo God from befo Jesus time. He wen tell how bumbye da Christ guy goin born Betlehem.

mill stone: two big stones fo make wheat flour. Da small kine, two wahines can turn da top one togedda. Da big kine, need one donkey fo turn um.

mint: one small plant wit leaf dat smell nice, an good fo put inside da food.

mirror: da kine mirror dose days, no mo glass, ony metal, so wat you see dea, not clear.

Molok: one god fo da Ammon peopo. Bad kine god. Peopo burn dea kids fo make sacrifice fo him.

Moses: 400 years da Israel peopo wen live Egypt side. But da Egypt peopo wen make dem slaves. God wen see how bad dey suffa, so God wen send Moses fo take dem outa Egypt. Moses wen write da firs five parts inside “Da Befo Jesus Book” -- English call um Genesis, Exodus, Leviticus, Numbas, an Deuteronomy, but Pidgin call um Da Start, Outa Egypt, Da Prieses, Da Census, an Da Rules Second Time.

mulberry: one tree dat get small kine fruits like berry. Come from da noni ohana.

mustard: one bush dat can come big jalike one tree, but come from one real small kine seed. Dey smash da seeds fo make da kine mustard you put on top da food.

myrrh: da sap dat come outa one small tree an smell nice. Cost plenny, so peopo wen use um fo make present. Dey wen use um fo medicine too, an fo put on top da dead body befo dey bury um.

Naaman: one army general from Syria. He was one lepa guy. He wen go Israel cuz he like Elisha make his skin come good. Elisha tell him fo take seven bath inside da Jordan River an den his skin come jalike da baby skin.

name: wat peopo call somebody. Inside da Bible, wen dey talk bout somebody an use his name, plenny times dey mean dat dey telling wat kine guy him. Wen somebody can use one nodda guys's name, dat mean he get da right fo do stuff fo da odda guy, cuz dey stay tight. Us guys get da right fo do plenny cuz we da Boss's peopo. Matthew 21:9, da peopo say dis bout Jesus: “He da guy dat come wit power from da Boss!” English “in the name of the Lord, in Christ's name.”

Nazaret: one small town Galilee side, inside da mountains. Jesus wen live dea small kid time, an dey wen call him “da Nazaret guy.” English “Nazarene.”

New Deal: Befo Moses time, and wit Moses, God wen make one deal. God wen tell da Israel peopo, dat if dey go do everyting God's Rules say, he goin give dem plenny good stuffs, an if dey no do um, dey goin get big pilikia. But dey neva do like how God's Rules say. Lata, wen Jesus wen mahke, God wen make one new deal wit everybody. God say he goin put da Rules inside our heart. English “New Covenant, New Testament.” (Try read Fo Da Hebrew Peopo 8:7-13.)

niele: like know mo plenny bout odda peopo den suppose to.

Nineveh: God send Jonah to dis town wea da peopo do pilau kine stuff plenny, fo tell dem, God no goin take all da bad kine stuff dey do. Dey wen listen.

no can blame dem fo notting: wen peopo do da right ting everytime, den nobody can poin finga dem. English “blameless.”

no eat so can pray: get times wen peopo gotta pray o tink plenny bout God, dass why dey no eat. Mean same ting, “skip food so can pray.” English “fast.”

Noah: one guy from befo time, dat everytime do wat he suppose to do an listen to God. So God tell Noah fo build one big boat fo his ohana an all kine animal, cuz dat time, da peopo was so bad dat God figga, he gotta make one big flood fo wipe um all out. Noah an his ohana was da ony peopo dat God neva wipe out, dat time.

ohana: English “family, lineage.”

Passova: wen God wen take da Jewish peopo outa Egypt befo time, da Egypt peopo neva like let um go. God wen send one angel messenja guy by da Egypt peopo, fo kill da numba one boy inside every house. But da angel guy wen pass ova da Jewish peopo's houses, cuz da peopo inside dea wen make sacrifice an put da blood on da top an da sides a da door post, jalike God wen tell um fo do. From dat, every year, aroun March o April, da Jewish peopo make da “Passova time.”

pay da price fo let us guys go: fo make one slave guy so he not slave no moa, gotta pay big money. Us guys, we was jalike slave guys cuz we do bad kine stuff. Jesus wen give himself fo mahke fo us guys -- dass da price he wen pay fo hemo us from all da kine pilau stuff we do. No mo, we gotta do all da bad kine stuff. We can do how God like. English “redeem.”

Pentecost Day: afta da Passova time, da farma guys go cut da barley grain an some a da wheat. Seven weeks afta da Passova, dey use da new stuff dey wen cut fo make thick breads wit yeast an salt inside, fo give um to God, an everybody feel good. Dat was da day wen God's Spirit wen come inside an take ova da peopo dat stay trus Jesus, first time.

peopo dat no mo respeck fo God, dat ack jalike God no matta: dis da peopo dat no care. Dey ony do how dey like.  Dey ack jalike God notting. English “godless.”

peopos, peopo dat not Jews: da Jewish peopo call everybody dat not Jewish “from da odda peopos.” Dey know bout plenny odda peopos, but fo dem, ony matta if one guy Jewish, o not Jewish. English “Gentile.”

Pharaoh: all da Egypt kings, dey call um Pharaoh.

Pharisee: Jewish peopo dat really wen like do wat da Rules from God say, da right way. But dey get plenny odda rules dat da teacha guys wen put on top da Rules from God, an dey tink dey gotta do all dat too.

Philippi: one town inside Macedonia.

Pilate, Pontius Pilate: he was da Governa from Rome, jalike one Territorial Governa. He stay in charge a Judea an Samaria an Idumea, da time dey wen kill Jesus on top da cross.

pilau: wen peopo do bad kine tings, dey not okay inside, dass why dey no can pray to God. But da way da Jewish peopo wen figga, if you eat someting dat da Rules From God say not okay, dat make you so you no can pray, jalike you dirty inside. Matthew 15:18, 20 Jesus tell um, “But wateva come out from da mout, dat come from inside da heart, an dass wat make you pilau inside so you no can pray. All dat bad kine stuff, dass wat come from inside da heart. Dass why peopo stay pilau inside an dey no can pray. But if get one guy dat no wash his hands da right way, an den he eat, dat no goin make um pilau inside.” English “defiled, impure, unclean.”

pilikia: small kine trouble.

pio: make one light o one fire pau.

plow: da farma guys use um fo broke up da ground so dey can put seed inside. Use cows fo pull da plow thru da dirt.

pray: talk to God. Jesus tell, us guys suppose to tell God how we stay inside an aks um fo give us wat we need. We even suppose to aks him fo help da peopo dat stay agains us.

proof fo show wat God goin do fo us bumbye: God go give his kids his Spirit now. Cuz we his kids, he like make shua us guys know he goin give us plenny awesome kine stuff bumbye, wen we go stay wit Him inside da sky. English “guarantee, down payment, seal.”

proverb: some words dat teach peopo how fo be smart.

punish: wen somebody do someting bad, whoeva stay in charge a dem no like dat, an he make um suffa fo wat dey wen do.

purple: da color da king guys like use all da time, cuz da stuff dat make dat color cost plenny.

Rabbi: mean “my teacha,” Hebrew language.

Rachel: numba two wife fo Jacob. Jacob love her mo den da numba one wife. She ony had two kids, Joseph an Benjamin. Her wen die same time Benjamin wen born.

Rahab: she was one wahine who fool aroun fo money. Wen two Israel army guys come her town Jericho fo check out da place, she wen go hide um, so da Jericho king no can kill um. She wen hear bout God an get respeck fo him, so she wen make deal wit dem. Dass why da Israel army guys no hurt Rahab o her ohana wen dey take ova Jericho.

Rest Day: da day all da Jewish peopo no work. Fo da Jewish peopo, da day start from afta sun down time Friday aftanoon an pau afta sun down time Saturday aftanoon. Da day stay spesho fo God. English “Sabbath.”

Rome: da head town fo da Rome peopo. Da town get seven hill.

Rules from God: wen Jesus an his friends talk bout da Bible, dey ony talking bout Da Befo Jesus Book from befo time (da Old Testament), cuz neva have Da Jesus Book yet (da New Testament), till Jesus friends wen write um. Dey call da Befo Jesus part “Da Rules from God” an “wat da guys dat wen talk fo God befo time wen say.” English “Scripture, Bible, Law.”

Ruth: da mudda a David grandfadda. Her from Moab.

sacrifice: da animal dey go kill fo give to God. If you do someting bad, you gotta tell God you sorry an you gotta give one animal. Den dey go kill da animal, not you. Fo some kine sacrifice, da Jewish peopo go burn up all da meat on top da altar. Fo odda kine sacrifie, dey suppose to give da meat to da pries guy.

Sadducee: some Jewish pries guys an odda guys dat neva like wat da Bible say bout da spirits, an how da mahke peopo goin come back alive, an odda stuffs from da Bible dat da Pharisee guys wen teach. Da Sadducee guys stick wit da first five books inside da Befo Jesus part a da Bible, mo den wit da odda part. Had plenny Pharisee guys, but neva have plenny Sadducee guys.

salt: dat time, peopo use da salt on top da food, so da food no come rotten, mo den jus use da salt fo make da food mo ono.

Samaria: da place stay between Judea an Galilee. On da sout side, get Judea. On da nort side, get Galilee. Da Jewish peopo neva like da Samaria peopo, cuz da Samaria peopo ony listen to da first five books inside da Bible. English “Samaritan” mean “one Samaria guy.”

Samson: one local leada guy fo da Israel peopo. Him strong guy. English, dey call all da local leada guys from dat time “judges.”

Samuel: da last big local leada guy fo da Israel peopo. He one talka guy fo God too. He da one dat put da olive oil on top David's head fo show dat David goin be da nex king. English, dey call all da local leada guys from dat time “judges.”

Satan: one nodda name fo da Devil. Da name mean “da guy dat fight you all da time.”

secretary: in Efesus town, one big shot govermen guy, like one city council guy.

shack: one shade place you make wit sticks an tree branches, fo use short time.

shaka: everyting okay, I like.

shake an roll all ova: get peopo dat stay sick an get da fits lidat. English “epileptic.”

sheep farma: da peopo dat get plenny sheeps fo make sacrifice, an fo eat da meat, an make cloth outa da sheep hair. Had plenny sheep farma guys dat go wit da sheeps fo take care dem an fo take um wea dey find grass fo eat an water fo drink. English “shepherd.”

show love an respeck fo God: go in front God an tell him how you feel bout him. English “worship.”

show peopo how awesome God stay: wen peopo get plenny respeck fo God, dey do tings so everybody know how awesome God stay, cuz dass how dey feel inside. Dey tell everybody all da good stuff God do everytime. English “glorify.”

shua: wen you stay shua bout someting good you know goin happen bumbye, den you stay okay inside. English "hope."

Sinai: da mountain wea God wen tell Moses da Ten Commandments.

skip food so can pray: get times wen peopo like pray plenny o tink plenny bout God, dass why dey no eat. Mean same ting, “no eat so can pray.” English “fast.”

sky: mo den da place up dea wea get da sun and da moon an da stars, o da air aroun us guys. Fo Jesus, mo importan da place wea God stay, dat us guys no can see yet. An mo importan too, us guys goin go dea jalike Jesus. Get times wen da Bible talk bout “da sky” an mean “da One dat stay inside da sky,” dass God. English “heaven.”

slave: dat time, dey sell peopo jalike you sell one animal. Da boss guy can make da slave guy do anyting da boss like, an he no need pay da slave guy. Da boss make to um how he like. If da slave no like be one slave, den he gotta pay da boss big money. Stay real hard fo make dat kine money, dat time. (Try look at “pay da price fo let us guys go.”)

smart guys dat teach da Rules from God: guys dat know how fo teach da Rules from God from Da Befo Jesus Book. English “scribes, experts in the Law, teachers of the Law.”

Sodom an Gomorrah: two towns close to da Big Salt Lake dat dey call da “Dead Sea.” Da peopo dea ack real pilau kine. Abraham time, God no take wat da peopo ova dea do. God wen use fire from da sky fo wipe um out, dey was so bad.

Solomon: da mos smart an da mos rich king fo da Jewish peopo. He everytime know wat fo do. Jesus wen come from his blood line. Solomon was King David's boy, da mudda Bathsheba.

Sovereignty guy: cuz da Rome army wen take ova da Jewish peopo befo time, had peopo like Simon numba two (not Simon Peter) dat was one a Jesus guys, dat wen work fo help da Jewish peopo get dea own govermen. Some a dem, peopo call um “terrorist,” cuz dey ony like fight wit da Rome guys, no matta odda peopo get kill too. English “Zealot.”

Spesho Guy God Wen Send, God's Spesho Guy: dass wat mean “Christ.” Da Greek language word mean “da one dey wen put oil on top him,” cuz dass how da Jewish peopo wen show who goin be da nex king, o da nex head pries guy. Da Hebrew language word “Messiah” mean same ting -- Da Spesho Guy God Wen Send. Da Jewish peopo know dat one spesho guy lidat suppose to show up, but dey neva know wat time. Dass why, wen Jesus show up, had peopo dat figga he da Spesho Guy God Goin Send, an had odda peopo dat wen come huhu bout Jesus cuz dey tink, da Christ guy gotta ack like one spesho king.

spirit: everybody get one spirit inside dem. Wen da body mahke, da spirit stay alive. Jesus wen say, “No scared da guys dat can make yoa body mahke, but no can make yoa spirit mahke. But you guys betta be scared God. He can make yoa body an yoa spirit get cut off from God inside Hell.” Matthew 10:28. God no goin mahke. He one Spirit too, dat can take ova peopo an help dem. English “soul, spirit.”

spirit, bad kine: get spirits dat nobody can see, but dey stay, an dey stay agains God. Dey like mess up peopo, an dey take um ova an make um do any kine. Jesus wen make da bad kine spirits let go da peopo, an he teach his guys dat dey get power fo tell da spirits fo let go peopo too, jalike him. English “demon, evil spirit, unclean spirit.”

stay good inside: wen you stay doing wat you suppose to do, an you know God stay wit you, den no matta peopo make any kine to you, you can feel okay. English “joy, joyful, rejoice, happy, blessed.”

stay tight wit somebody: wen you stay tight wit somebody, you go share yoa stuff wit dem, you go kokua dem, you suffa togedda wit dem. You feel same ting dey feel. You like do same ting jalike dem. You like stay same place wit dem. English “fellowship.” English “abide in Christ” mean, “Stay tight wit Christ.”

Stoic: da Stoic guys teach dat you gotta tink plenny, den you gotta do how you wen tink. Fo be da kine guy dat everytime know wat fo do, dey say you gotta no worry an no get huhu bout notting, so dat wateva you know you suppose to do, you do um. Dey tink dat everyting dat get, stay part a God, an dat no mo notting dat stay bad fo real kine. Paul wen argue wit dem inside Athens, same ting like he wen argue wit da Epicurus guys.

stuff God goin give his kids: God wen make us his kids. Befo time, we was jalike da Devil's kids. But God, he go hanai us. Bumbye, wen we go live wit him, he goin give us all kine spesho kine awesome stuff cuz he our Fadda. Dat time, we goin get one spesho kine body, we goin get one spesho kine place fo stay, an get mo stuff dat he goin do fo us. But da bestes part is, us guys can talk to God any time we like an come real tight wit him. English “inheritance.” (Try look da Bible Kine Words “proof fo show wat God goin do fo us bumbye” an “God make us his kids.”)

sulfur: some yellow stuff you can find inside da groun. Da stink volcano smell is from da sulfur.

swear to God: get times, peopo like show dat wat dey say stay true, o dey like make one real strong kine promise. Dass why dey say, “I swear to God” o “I swear to God by da temple.” Jalike dey asking God fo bus um up if dey bulai, o if dey no do wat dey wen promise. Jesus say, no need swear. English “take an oath, vow, swear.”

take us guys outa da bad kine stuff we do: us guys was stuck cuz we wen do bad kine stuff, an we get shame fo dat. Jesus can make us guys all new kine inside. He can make us come strong inside everytime, so we no need do bad kine stuff. English “save, rescue, salvation, deliver.”

talk good bout God: English “praise.”

talka guy fo God: befo Jesus time, had guys dat stay tight wit God like Isaiah, Jeremiah, Jonah, an Daniel dat wen tell da peopo wat God like um fo know bout da time den o da time bumbye. Afta Jesus time, had church guys dat wen do same ting. Da peopo wen say bout John da Baptiza Guy an Jesus, dat dey talka guys fo God too. Plus, da Bible talk bout peopo dat say dey talk fo God, but dey bulai. English “prophet.”

teach wit stories: Jesus wen use stories fo teach peopo bout how stay wen God da King. English “parable.”

tell God he good cuz he give us wat we need: wen God wen make da world, he make plan fo da bestes way fo everyting an everybody fo do wat God like um fo do. Den he give um da power fo do everyting da way he like um fo do. So wen us guys know dat, we feel like we gotta tell God “Mahalo plenny!” cuz he get so plenny love an aloha fo us. English “bless God, thank God.”

tell in front plenny peopo dat Jesus stay da Boss: Jesus tell, “If get one guy dat tell in front all da peopo dat he know me, den I goin tell in front my Fadda in da sky dat I know him.” So we gotta talk strait to everybody dat Jesus stay our Boss.  English “confess Christ.”

temple: da main place Jerusalem town wea da peopo wen go fo pray to God. Had pries guys dea dat wen help um make sacrifice. Had ony da one Jewish temple, but had Jewish church all ova da place, every town. Odda peopos, had temples fo dea gods too.

Ten Commandments: afta Moses an da Israel peopo wen get outa Egypt, dey wen go Mount Sinai. Ova dea, God wen give Moses da ten tings dey gotta do. God wen write um down on top one flat stone.

terrorist: dat time, plenny Israel peopo, dey like get dea own king, dey no like da Rome king tell um wat fo do. Some a dem, peopo call um “terrorist,” cuz dey ony like fight wit da Rome guys, no matta odda peopo get kill too.

tomb: da kine cave o small building dey put dead peopo inside.

torch: one stick wit rag one side dat you pour olive oil on top. You burn da oil fo make light, like wen you going some place dark time.

trumpet: had two kine trumpets. One, dey make um from metal. Da odda one, dey make um from da sheep horn.

trus: da way I make to one guy, show dat I tink da guy goin do wat he say, an dat he tell da trut. English “trust, believe, faith.”

Uriah: Bathsheba's husban. David wen fool aroun wit Bathsheba so she get hapai. David no like da peopo know, so he wen set up Uriah fo mahke, den he marry Bathsheba.

wax kine seal: dat time, da books not like da kine dat get nowdays. Dey use long kine paper dey make from da papyrus plant. Dey roll um up, den dey go melt da hard wax wit one oil lamp an drop one litto circle hot wax on top da paper fo make um stay shut. So bumbye, if somebody open um, you can tell, cuz dey gotta broke da hard wax.

wheat: da fancy kine grain fo make bread. Cost mo den da barley. In Israel, peopo plant da wheat December time, an cut um April makai side, May and June mauka side.

yeast: da stuff dey put inside da bread dough fo make um come big.

yoke: da big piece wood dat dey use fo make two cows work togedda so dey can pull one plow togedda, o one wagon. Da yoke sit on top da cow shoulders o tie um to da horns. Wen one teacha tell someting to da peopo he teaching, an dey gotta work fo learn um, can say “he put da yoke on top dem.” Matthew 11:29, Jesus say, “Jalike da oxes get yoke on top dem fo pull da load, you guys put my yoke on top you, an go learn fo do wat I teaching you. I stay gentle an I like take care peopo befo me, so yoa hearts goin rest inside.”

Zeus: da head god fo da Greek peopo. Da Rome peopo call him “Jupiter.”

Zion: one hill inside Jerusalem town dat stay close to da temple. Get times wen dey call da whole town “Zion” too, from wat dey call da hill.

Bible Kine Words   English Kine Bible Words   Words Fo Peopo Dat No Talk Pidgin

 

English Kine Bible Words

 

abide in Christ: stay tight wit Christ

adopt: make somebody yoa kid, hanai

agreement: deal, New Deal

angry: huhu

angel: angel messenja guy

anointed: pick, send. See Christ, Messiah

apostle: guy Jesus wen send all ova da place

ark: Noah's big boat. Da Box Fo Rememba God's Deal dey call um “ark” too

Beelzebul: da Devil

believe a statement: believe

believe in someone: trus um

Bible: da main book dat tell bout Jesus, an bout how God wen make ready his peopo befo Jesus wen show up

blameless: no can blame dem fo notting, no can poin finga dem

bless God: tell God he good cuz he give us wat we need

blessed: can stay good inside

cheat: bulai somebody

chosen: pick, send. See Christ, Messiah

circumcise: cut skin

confess Christ: tell dat Jesus da Boss in front plenny peopo

cornerstone: corner block

covenant: deal, New Deal

cursed: need punish

dead: mahke

Dead Sea: da Big Salt Lake Israel side

defiled: pilau, da way you stay you no can pray

deliver: get somebody outa trouble

demon: bad kine spirit

Deuteronomy: Da Rules Second Time

devil: da main bad kine spirit

die: mahke

disciple: guy Jesus wen teach

down payment: proof fo show wat God goin do fo us bumbye

enemy: guy dat stay agains you

epileptic: sick guy dat shake an roll all ova

evil spirit: bad kine spirit

Exodus: Outa Egypt

expert in the Law: smart guy dat teach da Rules from God

faith: trus

family: ohana

fast: no eat so can pray, skip food so can pray

favor: like do plenny good kine stuff fo somebody

fellowship: stay tight

flesh: bad kine stuff da body like do

forgive: let somebody go fo wat dey wen do. Wen God let somebody go, he hemo dea shame too.

Genesis: Da Start

Gentile: not Jewish

glorify: show peopo how awesome God stay

glorious, glory: awesome

godless: no mo respeck fo God, ack jalike God no matta

good news: da Good Kine Stuff From God

Gospel: da Good Kine Stuff From God

grace: like do plenny good kine stuff fo somebody

guarantee: proof fo show wat God goin do fo us bumbye

Hades: wea da mahke peopo stay

happy: stay good inside

hate: go agains, hate

heart: inside

heaven: da sky, da One dat stay inside da sky

Hell: wea da mahke peopo stay

holy peopo: peopo dat stay all out fo God

holy: hundred percent fo God, spesho fo God

hope: you stay shua bout someting good you know goin happen bumbye.

impure: pilau, da way you stay you no can pray

in Christ: stay tight wit Christ

inheritance: wat God goin give us guys cuz we his kids

joy, joyful: stay good inside

judges: local leada guys [afta Moses an Joshua, befo King Saul] dat sometimes make like one judge, sometimes like one army leada guy

judgment: God punish somebody, no take wat dey do

justified: get um right wit God

justify: make somebody come right wit God, show dat dey right

kingdom: wea one king stay in charge

Law of Moses: God's Rules

Law: Bible, Rules from God

lawlessness: broke da Rules from God

Leviticus: Da Prieses

lie: bulai

lineage: ohana, blood

locust: one kine grasshoppa

Lord: Boss

master: boss

mercy: give chance

miracle: awesome kine stuff fo show someting

name: know wat kine guy somebody, get da right fo use somebody's name

Nazarene: Nazaret guy

New Testament: da Jesus part a da Bible

Numbers: Da Census

oath: strong promise, swear to God

Old Testament: da Befo Jesus part a da Bible

oppose: go agains

parable: use stories fo teach

peace: heart rest inside, no fight no moa

praise: talk good bout somebody

pregnant: hapai

preparation day: day fo make ready fo da Rest Day

prophet: talka fo God

publican: tax collecta guy

reconcile: make good to somebody, come back togedda

redeem: pay da price fo let somebody go

rejoice: stay good inside, dance an sing

repent: come sorry an like pau da bad stuff an no do um no moa

rescue: get somebody outa trouble

righteous: get um right wit God, do da right ting

Rules from God: da first five parts a da Befo Jesus book inside da Bible. Sometimes mean da whole Befo Jesus part.

Sabbath: da Rest Day

saints: peopo dat stay all out fo God

salvation: get somebody outa trouble

Samaritan: Samaria guy

Sanhedrin: Jewish National Council, see council

Satan: da Devil

save: get somebody outa trouble

scribe: smart guy dat teach da Rules from God

Scripture: Bible, Rules From God

seal: proof fo show wat God goin do fo us bumbye

shepherd: sheep farma guy

sign: awesome kine stuff fo show someting

sin: do bad kine stuff

Son of God: God's Boy

Son of Man: Da Guy Dass Fo Real

soul: everyting inside you, spirit

spirit: inside

swear an oath: make strong promise, swear to God

synagogue: Jewish church

tax collector: guy fo collect tax money

teacher of the Law: smart guy dat teach da Rules from God

testament: deal, New Deal

thank God: tell God he good cuz he give us wat we need, tell God “Mahalo plenny!”

unclean: pilau, da way you stay you no can pray

unlawful: broke da Rules from God

unleavened bread: bread dat no mo yeast inside

vow: strong promise, swear to God

witness: tell wat you know bout someting

worldly: bad kine stuff da body like do

worship: show love an respeck fo God

wrath: God no take wat somebody do

Zealot: Jewish Sovereignty guy

Bible Kine Words   English Kine Bible Words   Words Fo Peopo Dat No Talk Pidgin

Words Fo Peopo Dat No Talk Pidgin

 

aah?: yeah?

akamai: smart, intelligent

ali'i: royalty, nobility

aloha: love, best wishes, greetings, goodbye, good will

amping: keyed up

any kine: abnormal, abusive, careless, any way

auwe!: woe!

awesome: awesome, glorious

az: that's, it is

bafe: bathe

bahf: vomit, throw up

beef: fight

bestes: best

birfday: birthday

bodderation: bother

bolohead: bald

boonies: uninhabited place

boy: son, boy

brah: brother (direct address, mainly male)

broke: break (present tense)

brudda: brother

bruddas: brothers (mainly male)

buckaloose: out of control

bugga: guy (may imply something questionable or endearing about him)

bulai: deceive, lie

bulaia: liar

bumbye: in the future, bye and bye, in due time

bummas!: phooey!

bum out: become nonplussed, become discouraged

burm bag cloth: burlap, sackcloth

bus up: beat up someone, break up something

choke: plenty (adjective)

choke: choke (verb)

choken: more than choke (plenty)

cockaroach: pilfer, steal secretly

come: become (verb auxiliary)

come: come (main verb)

da: the

dass: that's

eh!: hey!

fo: for, in order to

fool aroun: sexual promiscuity

fool aroun somebody he/she not married to: adultery

futless: frustrated, nonplussed

garans: guaranteed, for sure

geev um: go ahead and do it, go for it!

give good kine words: encourage

go: voluntarily take initiative to do something (verb auxiliary)

go: go (main verb)

go down: bow down on knees, go down

grind: eat

grind: grind something

guy: person (mainly male)

guys: people (mainly male)

Hah?: What? (demanding)

Hala!: Gotcha!

half half: divide in two equal parts

hamajang: wrecked, messed up

hanai: adopted

hang in dea: endure, be patient

hapai: pregnant

haps: happening

hele on: go to the next place

hemo: loose from, take off

high makamaka: acting superior

Ho!: So!

holoholo: roam around

huhu: angry, mad

hui: group

Hui!: Yoohoo!

hula: hula, dance

huli: roll over, turn over

imu: earth oven, bake on hot stones

inside: inside, soul, heart

jalike: just like, like

jam up: confused, traffic jam, crowded

Jun Ken A Po: choosing by lots

kahuna: hex, cast a spell (verb)

kalangalang: clanging

kapakahi: crooked, jumbled

kapu: taboo, designated as sacred

kine: kind

kona: leeward

kuku: burr

kuleana: role, job, responsibility

lanai: porch, balcony

lata, latas: later

lavalava: wrap around cloth

leeward: dry side, downwind side, opposite from windward

lidat: like that

lidis: like I am about to say

litto mo: almost (with a negative adjective like “mahke” or “poho”)

lolo: mentally retarded

lose fight: give up

lu'au: feast

luna: foreman

mahalo: thank you

mahke: dead, die

mahu: effeminate or homosexual

makai: toward the ocean

manini: little bit, smidgeon, stingy

mauka: toward the mountains

minas: unimportant

mines: mine

moke: big, tough guy

mostes: most

Nah!: No! (denying something)

neva: didn't (doesn't mean “never”)

niele: nosey, busybody

no mo: there isn't any

nuha: hold a grudge, sulky, sullen

o: or

ohana: family, extended family

ono: delicious

paila: a lot, collection

pau: cease, stop, finish

pau hana: after work, end of work

pilau: dirty (literal or figurative)

pilikia: trouble, small trouble

pio: put out (a fire), turn off (a light)

poin finga: accuse

poho: no longer usable

puka: hole, full of holes

pupule: crazy

shaka: OK, good

shua: sure

So, wat?: So, what's next?, So, what do you think?

spock: notice, spot

stay: progressive action, duration (verb auxiliary)

stay: be somewhere, stay (main verb)

strait: straight

strong promise: vow

stuff, stuffs: stuff, things, news

summa: summer

teet: teeth

to da max: a lot, all the way

tousand: thousand

try: Please ... (verb auxiliary)

try: try (main verb)

tutu: grandparent, grandmother

uku: countless

um: him, her, it, them (out of focus)

unreal, unreals: awesome, unimaginable, excessive (good or bad)

vala'au: chat with, converse with, talk

wahine: woman

wase time: waste time, not worth doing

wase: destroy, beat up

wassa matta you?: What's the matter with you?

wateva, watevas: whatever

weaeva, weaevas: wherever

wen: anterior tense - before another past tense action, occasionally used as a simple past

weneva, wenevas: whenever

wile: while

wispa: whisper

Wot?!: What? What on earth?

yoa: your

Bible Kine Words   English Kine Bible Words   Words Fo Peopo Dat No Talk Pidgin


© 2000-2009 Pidgin Bible Translation Group                      Site map                                         Send message to us guys