Right hea, da latest stuff bout Da Jesus Book an Da Jesus Story

Da Jesus Book, stay inside da book stores. So, go Logos, o Showers of Blessing, o Borders, o Barnes & Noble, o Sam Club, o Costco, o odda book store. Peopo buy mo den 80,000 awready. Dey give um to dea ohana peopo, an dea good friends. Dey no jus get um fo read dea own self. Make click on top da picha.

Da Jesus Story, dass da CD from Da Jesus Book. Dave Lancaster read bout how Jesus wen born from Luke an Matthew. Den he read bout how Jesus teach from Matthew. Da las part, bout how Jesus wen mahke an come back alive one mo time. Look fo Da Jesus Story inside da book stores, o make click on top da picha.

Da Befo Jesus Book, not ready yet. Da translata guys pau write um all down firs time, Pidgin language. Dey check out 98% awready wit da Hebrew language, dat da translation come from. 54% all polish up, an almos ready. You can see da part dat stay ready wit one click hea. So, maybe 2014 da whole book stay ready. Try pray.

Get churches dat make Bible study wit Da Jesus Book. Can use da Pidgin language fo teach, an pray, an tell bout Jesus, an study da Bible, you know. Can make songs an drama from Da Jesus Book too. Send us guys email bout how you using Da Jesus Book, an da songs you make, okay? If plenny peopo do da same ting, maybe we put wat you say on top da Web page so odda peopo can read um too.

Da Honolulu Advertiser an da Star Bulletin get story bout Da Jesus Book, from da time da firs copies come.

Seventeen time awready, was part a da Bes Sella List inside da Advertiser!